قصيد للعي

يقول الأمير الراحل سعود بن بندر...في العيد أيضاً......

أقول في نفسي وأنا أعايد الناس ::متى بشوفك تكمل أفراح عيدي
أجامل وربي عليم ٍ بالإحساس :: وشهو شعوري وأنت عني بعيدي
اللي خذاني لك على سهو هوجاس :: حسيت نفسي وسط ربعي وحيدي
لو حسوا بما بي يقولون لاباس :: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس:: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:: ومعك بدا يحيا الأمل من جديدي..

وشاعر أخر يقول:



كلن نهار العيد عايد حبيبه :: وألتم شمل القلوب المواليف
وأنا حبيبي غايب الله يجيبه::ويا حسرتي كان انتهى العيد ما شيف!!

وهذي قصيده اخرى
العـيـد عـاد وعـادة الـعـيـد لا عاد =يجمع قلوب أهل الوفا يا اجمل الخود
الناس يـوم العـيـد فــي ود واسـعاد =وانا حـزيـن وفكري اليوم مشدود
مالي جدا غـيـر الـتّـعـب والتـوجاد =اسهر واهـلْ الـدمع والعالم رقود
ياللي رحـلـت بـعـيـد من غير ميعاد =الله يعيـن القـلـب يا ناعم العود
اسقـيـتـني مـرّك وانـا ظامـي وداد =تركتـني بـيـن التـناهيد ملهود
صـبـرت صبر أيوب والصـبر مافـاد =طال انتظاري بالأمل وأنت مفـقود
ما يـذبـح العاشق سوى جرح الأبعاد =وانته حبيبي تـذبـح القلب بصدود
جـرح العـنـا من واهج الشوق يزداد =ليـتـك تجرّب قسوة البعد بحدود
مـتـى تقر العيـن وتـزول الأنـكاد =وافرح أنا بلقـيـاك يا نفحة النود
ارجـوك لا تِـفـرح عـذول ٍ وحسّاد =وتخون يا عمري مـواثيق وعهود
راح العمر وش عاد وش عاد وش عاد =مشتاق لعيونك عسى أيامك تعود
روحي تـبـيـك وخـاطري فيك منقاد =يـا روح روحي نوّر أيامي السود
تـعـال فـي شـوفك مسرّات وأعياد =تعال دام الشوق في القلب موجود



حسن بن علي الهاجري


وكل عام وانتم بخير


ابيات للعيد


كل عام وكل يوم وكل لحظه من سنينك

وأنت ياعيدي بخير وكل أعيادك هنا

؛

؛

للعيد طيب وطيب عيدي هل الطيب

وأطيب عطور العيد عندي معايدك

؛

؛

عيدك مبارك يابعد كل الأعياد

ياعزي الشامخ ويانور عيني

؛

؛

أبي كلمه تروي ضماي أيام وشهور

عيدية من فمك يقطر عسلها

؛

؛

عسى عيدك سعيد وجعلك بعيدك بعد مرتاح

عساك بخير في كل السنين ودوم متعافي

؛

؛

العيد والله شوفتك ياهوى البال

وبدون وصلك مالعيدي حلاتي

؛

؛

العيد بك عيدي أنا يوم أشوفك

وباقي لبشر ماظن شوفتهم أعياد