صرخة في وجه من نحب

إن كان جيت اطلب رضا من عصاني
فالله يسقيني البلى في الوريدين

والله يقطع بالمذلة لساني
إن كان أنا جيتك على ماتريدين

ضاعت حياتك في جنون واماني
لافزت بالدنيا ولافزت بالدين

إن كان ظنك إني أركع وأعاني
لا والله إلا خبت فيما تظنين

آنا كمثل الصقر عالي مكاني
مرفوع قدري في عيون الكثيرين


لاتحسبين الوقت يلوي عناني
الوقت يخدمني ولي فيه شيئين

أدعي على من في طريقك رماني
حتى غدا في داخلي منك جرحين

واشفي جروحي واهتني في زماني
واطرب على شوفة عيون المزايين

كم لي آتغنى بك وازف الأغاني
وأثرك على دقات قلبي تسلين

وابكي من الفرقا ولاحد بكاني
واليوم بعدك بدل العيد عيدين

كوني مع اللي باعني واشتراني
ماعاد يغضبني مع من تكونين

إن كان جيتي يوم
قصدك حناني
ماعاد لك قيمه ولا عاد تسوين